जय जोहार। (Raipur) छत्तीसगढ़ योग आयोग डहार ले रायपुर के गोंदवारा स्थित कबीर दास वार्ड के बसंत विहार गार्डन म 30 वां मुफत नियमित योगाभ्यास केन्द्र के सुभारंभ करे गीन । सुभारंभ अवसर म मुख्य अतिथि के रूप म संसदीय सचिव विकास उपाध्याय सामिल होइन। कार्यक्रम के अध्यक्षता ल छत्तीसगढ़ योग आयोग के अध्यक्ष ज्ञानेश शर्मा ह करीन ।
ए अवसर म ज्ञानेश शर्मा ह किहीन कि दिनचर्या म नियमित योग ल सामिल करे ले मनखे अपन सारीरिक अउ मानसिक व्याधि ल दूर कर सकत हे । बसंत विहार गार्डन म हर रोज बिहनिया 5.30 ले 6.30 बजे तक योग प्रसिक्षक बबीता सिंघा डहार ले योगाभ्यास कराए जाही।
संसदीय सचिव विकास उपाध्याय ह किहीन कि योग गतिविधि के संचालन ल लेके छत्तीसगढ़ योग आयोग राज्य म अपन अलग पहचान बनावत हे । नियमित संचालित मुफत योगाभ्यास कार्यक्रम ले निश्चित ही मनखे मन ल लाभ मिलत हे । ए अवसर म वार्ड वरिष्ठ पार्षद नारद कौशल, छत्तीसगढ़ योग आयोग के सचिव एम.एल. पाण्डेय, योग साधक उपस्थित रिहीन ।
No Comment! Be the first one.