गरियाबन्द जिला म पौधा तुंहर दुवार योजना के होइस शुभारंभ, वनमण्डाधिकारी अऊ कलेक्टर ह पौधा वाहन ल हरी झंडी दिखा के करिन रवाना

जय जोहार…. गरियाबन्द जिला म गुरुवार के  वन मण्डलाधिकारी मयंक अग्रवाल अऊ कलेक्टर छत्तर सिंह डेहरे ह पौधा तुंहर दुवार योजना के पौधा वाहन ल हरी झंडी दिखा के शुभारंभ करे हे।
ए योजना के तहत मुनगा, जामुन, अमरूद, सीताफल, करंज, नीम अऊ आन प्रजाति के पौधा ल जिला म रहवइया लोगन मन ल ओखर मांग के अनुसार घर तक पहुंचा के प्रदान करे जाही। एखर बर वन मण्डलाधिकारी गरियाबन्द एवं वन मण्डल गरियाबन्द ह कंट्रोल रूम स्थापित कर दू मोबाइल नम्बर 7000328264 अऊ 7987064635 जारी करे हे।
बतावत जात हे कि पौधा तुंहर दुवार योजना ले लोगन मन म पौधारोपण के संबंध म जागरूकता अऊ पर्यावरण संरक्षण के प्रति आस्था बढ़ही अऊ प्रदेश ल हरेभरे बनाय के उद्देश्य के पूर्ति म सहायक होही।