महासमुंद ….सुमित ग्रुप म आयकर के दबिस, खंगाले जात हे दस्तावेज

महासमुंद । छत्तीसगढ़ के महासमुंद जिला म संचालित सुमित ग्रुप के प्रतिष्ठान मन म गुरुवार के आयकर विभाग ह दबिस दीस। दुपहर करीबन 12 बजे पहुंचिन आयकर के अधिकारी आय-व्यव ले जुड़े दस्तावेज मन ल खंगाल जात हे।  सुमित बाजार अउ आभूषन ज्वेलर्स म आयकर विभाग के अधिकारी मन ह दबिस दी हे।  आयकर के अधिकारी एला विभाग के सर्वे बतावत हे।  फिलहाल कोनो आधिकारिक रूप म ए मामला म जानकारी नइ दे गेहे।

महासमुंद म बस स्टैंड स्थित सुमीत बाजार अउ सदर बाजार स्थित आभूषन ज्वेलर्स म आयकर विभाग ह दबिस दे हे।  आयकर के अधिकारी मन ह बही खाता व खरीदी अउ बिक्री ले संबंधित दस्तावेज खंगाले जात हे।  आयकर विभाग के सूत्र मन ह बताइस के, ज्वाइंट कमिश्नर स्तर के अधिकारी दस्तावेज मन ल खंगालत हे।  बताय जात हे के , आय ले संबंधित जानकारी नइ देय के सिकायत लगातार विभाग ल मिलत रहीस हे। एखर बाद आयकर विभाग ह टीम बनाके कार्रवाई करिन हे।  जांच पूरा होय के बाद  पता चलही के, कतना के गड़बड़ी मिले हे। जांच प्रक्रिया जारी हवय।