नगरीय निकाय मन के पेंशनर्स के महंगाई राहत म वृद्धि, 1 अक्टूबर 2024 के तिथि ले मिलहि लाभ
रायपुर। राज्य शासन ह नगरीय निकाय के पेंशनर्स अउ परिवार पेंशनर्स के महंगाई राहत म वृद्धि करे हे। नगरीय प्रशासन अउ विकास विभाग ह सातवा वेतनमान के अनुसार पेंशन प्राप्त करइया के महंगाई राहत म चार प्रतिशत अउ छटवें वेतनमान के अनुसार पेंशन प्राप्त करइया पेंशनर्स के महंगाई राहत म नौ प्रतिशत के बढ़ोतरी करे हे। दुनों वेतनमान के पेंशनर्स अउ परिवार पेंशनर्स ल 1 अक्टूबर 2024 ले ए वृद्धि के लाभ देय जाहि।
उप मुख्यमंत्री अउ नगरीय प्रशासन अउ विकास मंत्री अरुण साव के अनुमोदन के बाद आज विभाग ह मंत्रालय ले इस संबंध म आदेश जारी कर दिन हें। राज्य शासन द्वारा महंगाई राहत म बढ़ोतरी के बाद सातवां वेतनमान अउ छटवें वेतनमान के पेंशनर्स के महंगाई राहत क्रमशः 50 प्रतिशत अउ 239 प्रतिशत हो जाहि। वर्तमान म सातवा वेतनमान के पेंशनर्स ल 46 प्रतिशत अउ छटवां वेतनमान के पेंशनर्स ल 230 प्रतिशत महंगाई राहत दे जात हे।
