जय जोहार…. छत्तीसगढ़ म होवत अवैध रेत खनन के मामला ल ले के आम आदमी पार्टी ह आज ले आंदोलन सुरू करे हे। (Raipur) राजधानी के बूढ़ापारा धरना स्थल म पांच सूत्री मांग भ्रष्ट खनिज अधिकारी मन ल निलंबित करने, पत्रकार सुरक्षा कानून, रेत के अवैध कारोबार खनन भंडारण परिवहन अउ कालाबाजारी ल रोकने समेत पांच सूत्री मांग ल ले के अधिवक्ता शत्रुहन सिंह साहू (प्रदेश सह संयोजक) ह अनिश्चितकालीन अनशन ल सुरु करिन।
(Raipur) वो हा कहिन कि आम आदमी पार्टी जिला धमतरी के तत्वावधान म पांच सूत्री मांग ल ले के पिछिले चार महिना ले सरलघा आंदोलन करत रिहिन। 4 सितंबर ले जारी अनिश्चित कालीन धरना ल जिला प्रशासन ह खदेड़ दिस, जेखर विरोध म महात्मा गांधी जयंती के अवसर म अनिश्चितकालीन अनशन ल आम आदमी पार्टी छत्तीसगड़ के नेतृत्व म सुरु करे गे हे।
(Raipur) एला समर्थन दे ल धमतरी जिला ले निशांत भट्ट, संजय सिन्हा, सतवंत महिलांग, भीखम साहू, गरियाबंद जिला ले राजा ठाकुर, रायपुर जिला ले कलावती मार्को, अन्नू अरुण सिंह, लक्ष्मण सेन, अजीम खान, कमल नायक, आरंग ले डागेश्वर भारती, धरसींवा ले हुलास साहू ह अनशन स्थल पहुंच के शत्रुहन साहू के स्वागत करिन।
