जय जोहार…. भारत म कोरोना ले संक्रमित मरीज मन के संख्या ह सरलघा बाढ़त जात हे। पिछले एक दिन म सबले जियादा 7964 नवा मामले सामने आय हे। जबकि 24 घंटा म 265 लोगन मन के मौत हो गे हे। ऊहचे 11264 लोगन मन ह एक दिन म स्वस्थ हो गे हे। स्वास्थ्य मंत्रालय के ताजा आकड़ा के अनुसार भारत म अब तक एक लाख 73 हजार 763 मामले आये हे। 4971 लोगन मन के मौत हो गे हे। ऊहचे 82370 लोगन मन ह स्वस्थ हो गे हे।
जानकारी के मुताबिक सबले जियादा चिंतित करइया राज्य महाराष्ट्र हे। शुक्रवार के महाराष्ट्र म 2682 नवा मामले आये हे। एखर संग राज्य म अब 62228 लोगन मन ह संक्रमित हो गे हे। ए राज्य म एक दिन म 116 लोगन मन के जान चले गे हे। एखर संग राज्य म मरइया के संख्या ह दू हजार ले जियादा हो गे हे। मुम्बई म कोरोना के 1447 नवा मामले आये हे। जबकि 38 लोगन के मौत हो गे हे। मुम्बई म कुल कोरोना संक्रमित मरीज के संख्या ह 36932 हो गे हे।
