रायपुर. इन्दिरा गाँधी कृषि विश्वविद्यालय म CET पेपर लिक मामला म छात्र मन विश्वविद्यालय डहान ले गठित जांच कमेटी उपर आरोप लगात किहिन कि जांच कमेटी सिर्फ लीपा पोती करत दिखई देवत हे, विश्वविद्यालय प्रशासन डहान ले पेपर लीक मामले के ना तो ठीक से जाँच होइस बल्कि मामले ल दबाय के प्रयास करे गिस। जाँच बर गे टीम ह उही के छात्र ले सिर्फ पूछताछ के रिपोर्ट दे दिस।
अतका संवेदनशील मामला में ना तो विश्वविद्यालय प्रशासन डहान ले कोई साइबर जाँच होइस ना ही जाँच के प्रयास करे गिस। छात्र मन के कहना हे कि सोमवार के विश्वविद्यालय के 150 छात्र वि.वि. प्रशासन ले एस विषय म चर्चा करे बर गिन तब भी विश्वविद्यालय के कोनो अधिकारी ह छात्र मन संग बात करना उचित नी समझिन। 2-2.5 घण्टा तक नारेबाजी होत रिहिस तभो कोई बाहर नी अइन।
विश्वविद्यालय के ए रवैया के वजह ले छात्र आज विवि प्रशासनिक भवन के आघू विरोध प्रदर्शन करहीं। छात्र मन के मांग हे कि मामला के साईबर जाँच कराय जाए, जेकर आडियो रिकार्डिंग के जाँच हो सके अउ दोषी ल सजा मिल सके। गौर करे के बात आय कि ए बछर CET पेपर लगभग 2500 ले 3000 मन पेपर दिलाय हें इंकर भविष्य संग खिलवाड़ होवत दिखत हे।
