जय जोहार…. कोरोना वायरस कोविड-19 के प्रभाव ल देखत हुये इंदिरा कला संगीत विश्वविद्यालय खैरागढ़ के परीक्षा पद्धति अउ पीएचडी के प्रावधान म संशोधन करे गे हे। राज्यपाल अनुसूईया उइके के अनुमोदन के बाद ये संशोधन आदेश ल जारी करे गे हे।
नवा आदेश के मुताबिक अंतिम वर्ष सेमेस्टर पाठ्यक्रम ल छोड़ के स्नातक, स्नातकोत्तर के आलावा डिप्लोमा पाठ्यक्रम के सब्बो मध्यवर्ती सेमेस्टर अउ वर्ष के अंत के परीक्षा के मूल्यांकन ल विश्वविद्यालय अउ महाविद्यालय के तरफ ले तय करे गे मूल्यांकन पद्धति के आधार म करे जाही।
विद्यार्थी मन ल परीक्षा अउ आन संबंधित गतिविधि के संचालन के बारे म कम ले कम 15 दिन पहले सूचित करे जाही।
एखर आलावा जेन विद्यार्थी मन के पीएचडी थीसिस ह समय सीमा म समाप्त हो गे हे या कोरोना महामारी के अवधि के दौरान समाप्त होय हे।
ओ मन ल थीसिस प्रस्तुत करे के तय तारीख ले छह माह के अनुमति दे जाये, ये प्रावधान यूजी, पीजी अउ डिप्लोमा पाठ्यक्रम के अंतिम वर्ष, अंतिम सेमेस्टर अउ विश्वविद्यालय के तरफ ले संचालित सब्बो अमहाविद्यालयीन परीक्षा म लागू नई होही।
ए परीक्षा म कोविड-19 ले उत्पन्न परिस्थिति के आधार म निर्णय ले जाही।
