उद्योग मंत्री ह टीपी नगर जोन के चार वार्ड म रखे गिस 82.58 लाख के कार्य के आधारशिला

रायपुर। वाणिज्य उद्योग अउ श्रम मंत्री लखन लाल देवांगन ह कोरबा नगर निगम क्षेत्र के वार्ड क्रमांक 14 म चार वार्ड म कुल 82.58 लाख के कार्य के भूमिपूजन करिन। मंत्री देवांगन ह ए अवसर म कहिन कि आज टीपी नगर जोन के वार्ड ल अतना कार्य के सौगात विष्णुदेव के सरकार म मिलत हे। मंत्री देवांगन ह कहिन कि आप मन ले हमन जेन वादा करे रेहेन, ओला अक्षरसः निभाए के काम मुख्यमंत्री विष्णुदेव साय के सरकार म होवत हे। अवइया बछर म आप मन ल विकास अउ तेज गति ले दिखहि।

ए अवसर म जिला उपाध्यक्ष प्रफुल्ल तिवारी, वॉर्ड क्रमांक 16 के पार्षद नरेंद्र देवांगन कोसाबाड़ी मंडल के अध्यक्ष डॉ. राजेश राठौर, कोरबा मंडल के अध्यक्ष योगेश मिश्रा, उमा भारती सराफ, ज्योति वर्मा, मंजू सिंह, अजय विश्वकर्मा, पार्षद धनसाय साहू, चन्दन सिंह, हार बाई यादव, सुशील गर्ग, स्मिता सिंह समेत अन्य मौजुद रहिन।

वार्ड क्र. 2 सी.सी. रोड निर्माण कार्य अमर चंद्रा घर ले भागी चंद्रा घर तक लागत रूपया 8 लाख, वार्ड क्र. 2 तुलसी नगर सामुदायिक भवन म अतिरिक्त विकास कार्य लागत 5 लाख, वार्ड  3 नदी किनारे पचरी निर्माण कार्य 10 लाख, वार्ड 3 क्षेत्रांतर्गत विकास कार्य, 10 लाख, वार्ड क्र. 3 राताखार म स्थित शासकीय माध्यमिक शाला म अतिरिक्त कक्ष के निर्माण कार्य, लागत 14.58 लाख, वार्ड क्र. 13 झरनापारा मोहल्ला स्थित सामुदायिक भवन म अतिरिक्त कक्ष निर्माण कार्य, लागत 5 लाख, वार्ड क्र. 14 पानी टंकी के तीर सामुदायिक भवन म अतिरिक्त कक्ष अउ विस्तार कार्य 15 लाख, वार्ड क्र. 14 क्षेत्रांतर्गत पम्प हाउस म झोपड़ीपारा मैग्जिनभाठा, अटल आवास के पाछु रोड नाली निर्माण कार्य,10 लाख,वार्ड क्र. 14 पम्प हाउस म आदर्श श्रमिक क्लब के सामने बस स्टॉप के निर्माण कार्य, लागत 5 लाख कुल 82.58 लाख के कार्य के आज भूमिपूजन अउ शिलान्यास कर कार्य के श्री गणेश करे गिस।