जिला प्रशासन के अभिनव पहल : ‘मावा मोदोल’ के तहत सीजी पीएससी के तैयारी करत युवा मन बर निःशुल्क मैराथन टेस्ट सीरीज के आयोजन

कांकेर। कलेक्टर निलेशकुमार महादेव क्षीरसागर के मार्गदर्शन म जिला प्रशासन कांकेर के एक अउ अभिनव पहल ‘‘मावा मोदोल’’ योजना के तहत जिला मुख्यालय कांकेर म 150 छात्र अउ भानुप्रतापपुर म 250 छात्र, कुल 400 लइका मन बर निःशुल्क कोचिंग के व्यवस्था करे गिस। जिला शिक्षा अधिकारी ह बतायिन कि ए छात्र मन के अलावा जिला के अइसे छात्र जेन ह माह फरवरी 2025 म आयोजित परीक्षा के प्रवेश फार्म भरिन हें। उखर बर निःशुल्क मैराथन परीक्षा टेस्ट सीरीज के आयोजन करे जात हे। जिले के अइसे छात्र जेन छत्तीसगढ़ पीएससी परीक्षा के तैयारी करत हें अउ परीक्षा फार्म भरे हें, अइसे छात्र मन बर एक सुनहरा अवसर देय जात हे।

जिला पंचायत के मुख्य कार्यपालन अधिकारी हरेश मंडावी ह बतायिन कि सीजी पीएससी के तैयारी मन म जुटे युवक युवती मन बर मावा मोदोल मैराथन टेस्ट सीरीज के परीक्षा 27 जनवरी ले 6 फरवरी तक प्रति दिवस विषयवार परीक्षा आयोजित करे जाहि। एखर बर  ऑनलाईन पंजीयन हेतु बारकोड घलो जारी करे गे हे अउ गूगल लिंक के माध्यम ले घलो पंजीयन कराए जा सकत हे। मैराथन टेस्ट बर व्यापक प्रचार-प्रसार घलो करे जात हे ताकि क्षेत्र के युवा मन ल अधिक ले अधिक लाभ मिल सकय। ओमन ह बतायिन कि जम्मों विषय के अलग-अलग तिथि ल परीक्षा प्रति दिवस दु घंटा आयोजित करे जाहि। ए परीक्षा 11 दिवस तक जिला के निर्धारित परीक्षा केन्द्र म संचालित करे जाहि। विषय विशेषज्ञ मन के माध्यम ले प्रश्न पत्र तैयार करे जात हे। मैराथन टेस्ट सीरीज बर जिला प्रशासन ह व्यापक तैयारी करत हे।

ओमन ह जानकारी दिन कि सीजी पीएससी के मैराथन टेस्ट सीरीज के अंतर्गत विकासखंड चारामा, कांकेर अउ नरहरपुर के प्रतिभागी मन बर डाईट भवन कांकेर अउ बीआरसीसी भवन कांकेर म परीक्षा आयोजित करे जाहि। इही प्रकार ले विकासखंड अंतागढ़ कोयलीबेड़ा क्षेत्र के छात्र मन बर पीएमश्री स्वामी आत्मानंद अंग्रेजी माध्यम विद्यालय अंतागढ़ के परीक्षा केन्द्र बनाए गे हे। विकासखंड दुर्गूकोंदल अउ भानुप्रतापपुर क्षेत्र के छात्र मन बर मावा मोदोल निःशुल्क कोचिंग सेंटर बीईओ कार्यालय के बाजू म भानुप्रतापपुर म आयोजित करे जाहि। पखांजूर क्षेत्र के छात्र मन बर बीआरसीसी प्रशिक्षण कक्ष जनपद पंचायत प्रशिक्षण कक्ष पखांजूर म आयोजित करे जाहि। मैराथन टेस्ट सीरीज हेतु अब तक 402 छात्र मन ह पंजीयन करा लिन हे। पंजीयन कराए के अंतिम तिथि 25 जनवरी निर्धारित करे गे हे। कलेक्टर निलेशकुमार महादेव क्षीरसागर ह जिला के जम्मों अर्हताधारी छात्र-छात्रा अउ युवा मन ले अपील करिन कि ज्यादा ले ज्यादा संख्या म पंजीयन कराके सुनहरा अवसर के लाभ अवश्य उठावव।