Chhattisgarh: सेव इंडिया, सेव एलआईसी ल ले के बीमा कर्मी मन ह करिन देशव्यापी प्रदर्शन

जय जोहार…. (chhattisgarh) राजधानी रायपुर म आज अपन परिजन मन के संग बीमा कर्मी मन ह सेव इंडिया, सेव एलआईसी के नारा ल ले के विरोध प्रदर्शन करे हे।

ए अवसर म संगठन के राष्ट्रीय सहसचिव अउ मध्य क्षेत्र के कामरेड धर्मराज महापात्र ह कहिन कि देश के आम जनता मन के पैसा ल देश के हित म उपयोग करे, कॉरपोरेट लूट बर नई करे।

वर्तमान केंद्र सरकार ह देश बर सोना के अंडा देवइया एलआईसी जईसे संस्थान म घलो निजी पूंजी के घुसपैठ के जरिये देश के आर्थिक आत्मनिर्भरता अउ स्वतंत्रता ल दांव म लगावत हे।

(chhattisgarh) वो हा कहिन कि एलआईसी के आईपीओ के बोली जारी करे के पूर्व लेन-देन सलाहकार के रूप म सरकार ह डिलायट टच तेह तेहमेट्सू अउ फाइनेंशियल सर्विसेस ल ए कार्य बर नियुक्त करे ल जावत हे। ए प्रक्रिया के विरोध म बीमा कर्मचारी मन ह आज देशभर म अपन परिजन मन के संग विरोध दर्ज करिन।

(chhattisgarh) वो हा कहिन कि मध्य क्षेत्र के रायपुर, भोपाल, ग्वालियर, इंदौर, शहडोल, सतना, जबलपुर अउ बिलासपुर मंडल समेत दुनो प्रदेश के 140 ले जादा शाखा इकाई म घलो प्रदर्शन आयोजित करे गे हे।