Raipur : अंतर्विभागीय समिति के होइन बइठक, राजस्व मंत्री जयसिंह अग्रवाल ह करीन अध्यक्षता, भूमि आबंटन बर प्राप्त आवेदन म लीन निर्णय
जय जोहार। (Raipur) राजस्व अउ आपदा प्रबंधन मंत्री जयसिंह अग्रवाल ह शुक्रवार के अंतर्विभागीय समिति के बइठक लीन। वो हा भूमि आबंटन समेत कई ठीन मुद्दा म चर्चा करीन । मंत्री श्री अग्रवाल ह भूमि आबंटन बर प्राप्त आवेदन के जानकारी लीन ।
बइठक म रायपुर (Raipur) विकास प्राधिकरण ल इंद्रप्रस्थ फेस-2 रायपुर आवासीय योजना अंतर्गत आने आने प्रकार के भवन के निर्माण बार भूमि आबंटन के निर्णय ले गीन । संगेसंग दक्षिण पूर्वी मध्य रेल्वे राजनांदगांव के अलावा 4 दूसर प्रकरण म घलो चर्चा कर संबंधित प्रकरण के निर्धारित प्रब्याजी, भू-भाटक अउ निर्धारित नियम के तहत भूमि आबंटन के प्रक्रिया पूरा करे के निर्देस दे गेहे ।
बइठक म राजस्व विभाग के सचिव एन. एन. एक्का, राजस्व विभाग के अवर सचिव उमेश कुमार पटेल, आवास अउ पर्यावरण के अवर सचिव सी तिर्की, वित्त विभाग के अवर सचिव निखिल अग्रवाल अउ अंतर्विभागीय समिति के सदस्य उपस्थित रिहीन ।
