युवा कवि चम्पेश्वर ह बढाईस छत्तीसगढ़ के मान , मिलिस दिल्ली म सम्मान

छत्तीसगढ़ राज्य के युवा गीतकार चम्पेश्वर गोस्वामी ल अंतरराष्ट्रीय हिंदी सम्मेलन म सम्मानित करे गिस . भाषा सहोदरी के तत्वावधान में नई दिल्ली म आयोजित अंतर्राष्ट्रीय हिंदी सम्मेलन म चम्पेश्वर गोस्वामी के चार कविता ल प्रमुखता के साथ पुस्तक म प्रकाशित करे गे हावय जेमा उंखर रचना ल पढ़े बर पाठक मन ल मिलही. अंतर्राष्ट्रीय स्तर म कुल 71 कवि के रचना शामिल हे…ये किताब म चम्पेश्वर गोस्वामी के रचना शामिल हे ये बहुत ही गौरव के बात हे… चम्पेश्वर गोस्वामी कई साल ले लगातार आकाशवाणी दूरदर्शन अऊ विभिन्न पत्र-पत्रिका म बतौर कार्यक्रम संचालक बतौर लेखक अऊ गीतकार के रूप म अति सक्रिय हे

वो छत्तीसगढ़ी फिल्म म भी लगातार गीत लिखत हे अऊ जय जोहार टीवी के जोहार सितारा, जोहार पहुना कार्यक्रम ल घलो लगातार प्रमुखता के संग बूता करत हे… ये सम्मान के बखत म हमर जय जोहार चैनल के डायरेक्टर श्री ओम प्रकाश चंद्राकर जी अऊ श्री दीपक बावनकर जी के संग पूरा टीम ह चम्पेश्वर गोस्वामी ल ये बड़े उपलब्धि बर बधाई दिन हे…उंखर ये सम्मान ले पूरा छत्तीसगढ़ गौरवान्वित हे ये सम्मान ल उंखर अनुपस्थिति म छत्तीसगढ़ के विदुषी साहित्यकार डॉक्टर गीता शर्मा ह दिल्ली म ग्रहण करिन.ये पुस्तक म देश के राष्ट्रपति अऊ प्रधानमन्त्री के शुभकामना सन्देश घलो हावे .