Corona : अंतर्राज्यीय बस ल छत्तीसगढ़ म नई मिलही प्रवेश, सरकार ह अवइया आदेश तक बर करिन स्थगित

जय जोहार…. कोरोना (corona) वायरस के बाढ़त संक्रमण ल देखत हुये राज्य सरकार ह एक बड़का फइसला ले हे। छत्तीसगढ़ राज्य ह अवइया आदेश तक अंतर्राज्यीय यात्री वाहन के परिचालन ल स्थगित कर दे हे।

सरकार ह ये घलो स्पस्ट करे हे कि छत्तीसगढ़ के मध्य संचालित यात्री वाहन ल राज्य बर प्रवेश के अनुमति ल अवइया आदेश तक स्थगित रखे जाये। ए संबंध म मध्यप्रदेश, ओडिशा, झारखंड, बिहार, आंध्रप्रदेश, उत्तरप्रदेश अऊ महाराष्ट्र राज्य परिवहन आयुक्त ल निर्देशित घलो करे गे हे।

परिवहन आयुक्त सैलाभ साहू ह बताइस कि प्रदेश म कोरोना (corona) के बाढ़त संक्रमण सेति आन राज्य के बस परिवहन सेवा ल अवइया आदेश तक बर स्थगित कर दे गे हे। एखर बर सब्बो परिवहन आयुक्त ल पत्र जारी कर दे गे हे। वो हा बताइस कि राज्य सरकार के अनुमति ले मजदूर, छात्र अऊ कोरोना संकट म लगे बस ह जारी रही।