रायपुर: आखिरकार 1986 बैच के आईपीएस अधिकारी डी एम अवस्थी छत्तीसगढ़ के पूर्णकालिक डीजीपी बनगे. पाछू दिन म छतीसगढ़ पुलिस के नियमित डीजीपी के चयन बर दिल्ली म बइठक होय रहिस हे. यूपीएससी मुख्यालय म होए बइठक म आयोग के सदस्य स्मिता नागराजन, बीएसएफ के डीजी रजनीकांत मिश्रा, केंद्रीय गृह विभाग म संयुक्त सचिव के संग मुख्य सचिव सुनील कुजूर सामिल होए रहिस हे. यूपीएससी ह तीन नाम के पइनल बनाके राज्य शासन ल भेजिस. अवस्थी फिलहाल पदेन डीजी के रूप म काम करत रहिन हे.
पैनल म डीएम अवस्थी (1986 बैच) के अलावा 1988 बैच के स्पेशल डीजी संजय पिल्लै अउ रवि सिन्हा के नाम घलो रखे गे रहिस हे. रवि सिन्हा राज्य गठन के पहिले ले ही केंद्रीय आईबी म प्रतिनियुक्ति म हे.
आईपीएस अधिकारी दुर्गेश माधव (डीएम) अवस्थी मूल रूप ले यूपी के कानपुर के रहवइया है. पुलिस सेवा म आए के पहिल वो इंजीनियर रहिन हे. एक शुगर मिल म तइनात रहिन. कानपुर के स्वरूप नगर म बीएनएसडी इंटर कॉलेज ले पढ़ाई करइया डीएम अवस्थी ह बीएससी की डिग्री लीन. एखर बाद इंजीनियरिंग कर गुजरात के बारडोली शुगर मिल म नउकरी करे लगिस. अवस्थी ह मां के ख्वाहिश पूरा करे बर आईपीएस अधिकारी बनिस.
Other Articles
