जय जोहार…. (transfer) प्रदेस म पुलिस विभाग म बड़का फेरबदल करे गे हे। 21जिला के एसपी अफसर मन के तबादला कर दे गे हे। बिलासपुर एसपी प्रशांत अग्रवाल ल दुर्ग एसपी अउ बस्तर एसपी दीपक कुमार झा ल बिलासपुर एसपी बनाए गे हे। उहें धमतरी एसपी बीपी राजभानु के सेनानी 12 वाहिनी छसबल रामानुजगंज तबादला कर दे गे हे।
जारी सूची म (transfer) विनीत खन्ना उप पुलिस महानिरीक्षक कांकेर ल उप पुलिस महानिरीक्षक नगर सेना अउ नागरिक सुरक्षा रायपुर, टी एक्का सेनानी दूसरी वाहिनी छसबल सकरी, बिलासपुर ले उप पुलिस महानिरीक्षक पुलिस मुख्यालय रईपुर, बालाजी राव सोमावार ल एसपी जिला जशपुर ले प्रभारी उप पुलिस महानिरीक्षक कांकेर, जितेंद्र सिंह मीणा ल एसपी जिला बालोद ले एसपी जिला बस्तर, पारुल माथुर ल एसपी जिला जांजगीर -चांपा ले एसपी जिला गरियाबंद तबादला कर दे गे हे।
(trans) केएल ध्रुव ल एसपी जिला सुकमा ले सेनानी दूसरी वाहिनी छसबल सकरी, बिलासपुर, अमित तुकाराम कांबले ल सहायक पुलिस महानिरीक्षक पुलिस मुख्यालय रईपुर ले एसपी जिला सरगुजा (अंबिकापुर ), अभिषेक मीणा ल एसपी जिला कोरबा ले एसपी जिला रायगढ़ भेजे गे हे।
