chhattisgarh : अनियमित कर्मचारी मन ह मनावत हे अगस्त क्रांति सप्ताह, कार्यालय म काली पट्टी बांधके अउ मौन रहिके करीन काम

जय जोहार…. (chhattisgarh) 5 सूत्रीय मांग बर प्रदेश के लाखों अनियमित कर्मचारी मन ह 8 से 14 अगस्त तक अगस्त क्रांति सप्ताह के रूप म मनावत हे। ए दउरान अनियमित महासंघ के पंजीकृत संगठन अउ ओखर सदस्य मन ह अपन-अपने कार्यालय म काली पट्टी बांध अउ मौन रहिके काम करीन। उहें अपन कार्यालय प्रमुख ल 13 अगस्त को मुख्यमंत्री के नाव 5 सूत्रीय मांग के संघीय ज्ञापन ल सौंपे हे।

प्रदेश अध्यक्ष रवि गढ़पाले अउ (chhattisgarh) प्रदेश संयोजक अनिल देवांगन ह बताइन कि छत्तीसगढ़िया अनियमित कर्मचारी ह छत्तीसगढ़ राज्य के निर्माण के बाद ले ठगा जात हाई, पिछले डेढ़ दसक ले अनियमित कर्मी मन ह नियमितीकरण अउ आने मांग ल लेके पूर्ववर्ती सरकार अउ विपक्ष के राजनीतिक दल ले ओखर मामला के निराकरण करे के मांग करे रिहीन। वर्तमान सरकार ह अपन जनघोसना पत्र में अनियमित कर्मचारी मन ल नियमितीकरण करे के स्पस्ट उल्लेख करे हे।

पूर्व संयोजक गोपाल प्रसाद साहू अउ (chhattisgarh) प्रदेस उपाध्यक्ष प्रेम प्रकाश गजेंद्र ह बताइन कि सरकार ह नियमितीकरण बर समिति त गठित कर दीस, पर कोनो बेरा तय नई करे गीस। जेखर सेती समिति सही गति ले काम नई कर पात हे। महासंघ ह सरलग मुख्यमंत्री ले मिलके नियमितीकरण के बिसय म चर्चा करे जाय बर कतकोन घांव परयास करे हे, अभी तक बेरा प्रदाय नई करे जात हे।