दगाबाज अउ राजा भैया के बाद रजनी रॉकस्टार के निर्देसन कर ही इरफान

रायपुर। छालीवुड म करण खान अउ अनुज शर्मा जइसे स्टार मन ल निर्देसित कर चुके इरफान अब महिला प्रधान सेमी छत्तीसगढ़ी फिल्म ” रजनी रॉकस्टार ” ल निर्देशित करही । फिलिम के मुहूरत रथ यात्रा के दिन भिलाई म होइस । फिलिम के निरमाता नीता कंबोज आय अउ हीरोइन सानिया कंबोज हे, मुहूरत के बाद कास्टिंग जोर ले चलत हे ,बाकी कलाकार मन के चयन होय के बाद फिलिम के सूटिंग सुरू होही। ये मउवका म वरिष्ठ कलाकार विनायक अग्रवाल, भानुमती कोसरे अउ लाभांश तिवारी विसेस रुप ले उपस्थित रिहिन हे।