आई-गॉट में सब्बो विभाग मन के जुड़ना जरूरी: मुख्य सचिव
सब्बो अधिकारी अऊ कर्मचारी अपन मोबाईल ले जुड़हीं
आई-गॉट साधना सप्ताह के तहत ‘छत्तीसगढ़ मिशन कर्मयोगी’ कार्यशाला के आयोजन होइस
रायपुर. मुख्य सचिव विकासशील ह राज्य सासन के सब्बो विभाग के बड़े अधिकारी मन ले कहे हें कि ओमन ‘मिशन कर्मयोगी’ के तहत आई-गॉट (iGOT) ट्रेनिंग कार्यक्रम में अपन-अपन विभाग मन ल जरूरी रूप ले जोड़ (On-board) लें। ओमन कहिन कि सब्बो विभाग एमा जुड़ जायं। मुख्य सचिव ह सब्बो विभाग के अधिकारी-कर्मचारी मन ल घलो अपन मोबाईल ले एमा जुड़े बर कहे हें।
एकर ले राज्य सासन के सब्बो विभाग के अधिकारी-कर्मचारी मन ल ओमन के जरूरत के हिसाब ले विभागीय ‘स्किल डेवलपमेंट’ (कौशल विकास) के प्रशिक्षण दिय जा सकही। मुख्य सचिव ह सब्बो विभाग प्रमुख मन ले कहे हें कि ओमन अपन विभाग के जरूरत के मुताबिक अधिकारी-कर्मचारी मन बर ट्रेनिंग कोर्स तय कर लें, ताकि ओमन ल बढ़िया ढंग ले सिखाय जा सके।
आज आई-गॉट ट्रेनिंग कार्यक्रम के तहत ‘साधना सप्ताह’ के मऊका में सब्बो विभाग के अधिकारी-कर्मचारी मन बर कर्मयोगी मिशन के तहत प्रशिक्षण कार्यशाला के आयोजन करे गिस। ए कार्यशाला में राज्य सासन के विभाग मन के प्रमुख अधिकारी, विभागीय सचिव, संयुक्त सचिव, उप सचिव, अवर सचिव अऊ अनुभाग अधिकारी मन सामिल होइन। कार्यक्रम में सब्बो जिला के बड़े अधिकारी मन वीडियो कॉन्फ्रेंस के जरिया ले जुड़िन।
