कोरोना अलर्ट… घर ले बाहर निकलत समय मास्क पहनना होइस जरूरी, नई त हो सकत हे बड़ा कार्रवाई

जय जोहार कोरिया…. कलेक्टर डोमन सिंह ह सार्वजनिक स्थल मन म निकलत समय मास्क पहने बर जिला के समस्त नागरिक मन ले अपील करे हे। चिकित्सकीय विशेषज्ञ मन के तरफ ले कोविड 19 के रोकथाम अऊ बचाव के सबंध म हरेक व्यक्ति ल मास्क अथवा फेस कवर ल पहनना आवश्यक बताए गे हे।

वो हा बताइस कि राज्य शासन के स्वास्थ्य अऊ परिवार कल्याण विभाग मंत्रालय महानदी भवन के तरफ ले जारी परिपत्र म कोविड 19 के संदर्भ म निर्देश दे गे हे। जेखर तहत एपिेडेमिक एक्ट 1897 अऊ छत्तीसगढ़ एपिेडेमिक डीसीजेज कोविड 19 विनियम 2020 अऊ छत्तीसगढ़ पब्लिक हेल्थ एक्ट 1949 के धारा 71 (1) के सुसंगत प्रावधान मन के अंतर्गत अवइया आदेश तक प्रदेश म प्रत्येक व्यक्ति ल घर ले बाहर सार्वजनिक स्थल मन म निकलत समय मास्क अथवा फेसर कवर ल पहनना अनिवार्य करे गे हे।