जय जोहार…. (Jagdalpur) जगदलपुर शहर क अलग-अलग स्थान म मंगलवार के जगदलपुर पुलिस ह अपराध के रोकथाम, नियंत्रण अऊ नशाखोरी म रोकथाम बर कार्रवाई करे हे। ए दौरान पुलिस ह 8 झन ल गिरफ्तार करे हे।
मिले जानकारी के मुताबिक (Jagdalpur) पुलिस अधीक्षक दीपक कुमार झा, अतिरिक्त पुलिस अधीक्षक ओमप्रकाश शर्मा अऊ नगर पुलिस अधीक्षक हेमसागर सिदार के मार्गदर्शन म थाना कोतवाली स्टाफ के तरफ ले शहर के अलग-अलग स्थान लालबाग, दलपत सागर अऊ गणपति रिसार्ट के तीर अपराध के रोकथाम, नियंत्रण अऊ नशाखोरी म रोक लगाय बर कार्रवाई करे हे।
ए दौरान (Jagdalpur) पुलिस ह अनुपमा चौक निवासी फुलनाथ सेठिया पिता मुन्नालाल सेठिया, चांदनी चौक निवासी जुगत ताती पिता चक्रधर ताती, अनुपमा चौक निवासी सुनील झा पिता कृष्ण कुमार झा, लालबाग निवासी गणेश नेताम, कंगोली निवासी निकेशराम पिता केशवराम साहू, कंगोली निवासी बबलू साहू पिता पुरन लाल साहू, धरमपुरा निवासी प्रेम पुरानी पिता केएन पुरानी अऊ लालबाग निवासी विवेक सिन्हा पिता सीएल सिन्हा समेत आन के खिलाफ प्रतिबंधात्मक कार्रवाई करत हुये गिरफ्तार करे गे हे। पकडे गे सबो ल एसडीएम न्यायालय म पेश करे गे हे।
