लॉक डाउन म जय जोहार के अंताक्षरी ल मिलत हे बने प्रतिसाद

जय जोहार… ये पहिली बार होही जब देश म लॉक डाउन के स्थिति म छत्तीसगढ़ के कलाकार मन ग्रुप बना के अंताक्षरी खेलत हे अऊ अपन समय व्यतीत करत हे, ये खेल पूर्णतः छत्तीसगढ़ी म होवत हे अऊ अभी तक एखर छः भाग होगे हे , ये खेल के संचालन ओम प्रकाश चंद्राकर करत हे अऊ एखर रोजाना शुरुवात वरिष्ठ कलाकार संजय बत्रा जी ह करथे ,

बता दन कि अभी एमा लगभग चालीस कलाकार हिस्सा ले हे अऊ सबो मन पिछला गीत के आखिरी अक्षर ले गीत के शुरुवात करथे , ये खेल म सुपर अभिनेत्री अनिकृति चौहान , घनश्याम महानंद,जागेश्वरी मेश्राम,सीमा कौशिक,सावित्री कहार , अनुपमा मिश्रा,चम्पेश्वर गोस्वामी,स्वेक्षा साहु,शिखा चिताम्बरे के संगे संग दर्जनों कलाकार मन हिस्सा ले हे , सबो के मानना हे कि समय बिताए के साथ साथ रियाज करे के बने माध्यम बन गे हे जय जोहार के ये अंताक्षरी ह।