रायपुर। मुख्यमंत्री विष्णु देव साय के निर्देशन म जिला म जल जीवन मिशन के अंतर्गत ‘हर घर जल योजना ले लोगन मन के घर तक नल के माध्यम ले जल मिलत हे।
ए कड़ी म फरसाबहार विकासखंड के ग्राम बोकी हर घर जल श्रेणी म शामिल हो गे हे। ग्राम बोखी जशपुर जिला मुख्यालय ले 77 कि.मी. दूरी म हे। जिहां जल जीवन मिशन के कार्य पूर्ण हो चुके हे, ग्राम म 5 नग उच्च स्तरीय जलागार स्थापित हे जेखर क्षमता कुल 50,000 लीटर हे अउ कुल 230 क्रियाशील घरेलू नल कनेक्शन ह जम्मों ग्रामीण मन के घर तक पानी देय जात हे। घर तक नल के माध्यम ले जल मिले ले ग्रामीण मन ह मुख्यमंत्री ल धन्यवाद देवत हे।
योजना ले लाभ लेवत हितग्राही प्रहलाद साय ह बतायिन कि गांव म जल जीवन मिशन के आए ले पूर्व ग्रामीण अपन पानी बर हैण्डपंप अउ कुंआ म निर्भर रीहिन। अब जल जीवन मिशन के गांव म आए के बाद पानी के समस्या खत्म हो गे। काबर कि प्रत्येक घर म क्रियाशील घरेलू नल कनेक्शन लगे हुए हे। जेखर ले गांव के जम्मों झन के घर म नल ले शुद्व पेयजल मिलत हे अउ अब ग्रामीण मन खुश हें।
जल जीवन मिशन के तहत हर घर जल योजना ले विशेष रूप ले महिला मन बर बहुत उपयोगी सिद्ध होवत हे। महिला मन घर, परिवार बर हैण्डपंप अउ कुंआं ले पानी लावत रहिन, अब ओ समस्या योजना के आए ले खत्म हो गे हे अउ जेन समय पानी भरे म लगत रहिन, ओ समय के उपयोग अन्य काम बर करत हे। पहली पानी के वजह ले वर्षा ऋतु म ग्रामीण मन के तबीयत ज्यादा खराब होए के समस्या रहत रहिन। योजना के आने के बाद चेक करत पानी मिले ले अब गांव म लोगन के तबीयत खराब होए म बड़ कमी आए हे अउ बार-बार अस्पताल जाए के समस्या घलो खत्म हो गे हे। एखर ले ग्रामवासी मन ल आर्थिक नुकसान नई उठाना पड़त हे।
