प्रदेश के मुखिया ह अपन घर म लगाईस जन चौपाल, हजारों लोगन पहुंचीस फरियाद लेके

प्रदेश के मुख्यमंत्री भूपेश बघेल ह बुधवार के अपन निवास म जन चौपाल लगाके सीधा लोगन मन ले मिलीस, ऊंखर समस्या सुनीस अउ निराकरण बर कार्यवाही घलोक करीस।बिहनिया ले राज्य के कोना कोना ले लोगन मन अपन समस्या लेके अपन मुख्यमंत्री के घर पहुंचीस। मुख्यमंत्री ह सब ले एकक कर मिलिस घलोक।

लोगन मन के हाथ में आवेदन रहीस जेला मुख्यमंत्री तक पहुंचाना सब्बो के लक्ष्य रहीस , जन चौपाल म मुख्यमंत्री के संग कृषि मंत्री रविंद्र चौबे घलोक बईठे रिहीस । मुख्यमंत्री निवास के सामने फरियादी मनके लाइन बिहानिया 11:00 बजे ले 2:00 बजे तक लगे रहीस सब ले हमर मुख्यमंत्री ह शालीनता से मिलीस ।

बता दन कि 3 जुलाई से शुरू ये जन चौपाल कार्यक्रम अब प्रत्येक बुधवार के लगाए जाही अउ पुराना आवेदन के कार्यवाही के समीक्षा घलोक होही।