Raipur: जस सम्राट दुकालू यादव ह गिस मां सतबहीनिया के दरबार म, समिति वाला मन करिन आभार प्रगट

जय जोहार…. (Raipur) दुकालू यादव जस सम्राट के नाम ले जाने जाथे पूरा छत्तीसगढ़ म , आज अष्टमी के पावन अवसर म वो ह पहुंचिस माता के दरबार म ,

सतबहीनिया मंदिर रामसागरपारा म आ के दुकालू यादव ह किहिंन कि माता के दरबार के बाते अलग हे , में गाथों जरूर लेकिन आवाज माता के कृपा ले ही निकलथे,

आज रायपुर (Raipur) के माता सतबहीनिया मंदिर म जस सम्राट दुकालू यादव ह मंदिर समिति के सदस्य मन ले मुलाकात करिन अऊ अवैय्या समय म इंहा कार्यक्रम कराय के मंशा जताईस,

मंदिर के माधव यादव , नरोत्तम यादव, काशी ध्रुव , धनेश यादव, मंदिर के पंडा अऊ सब्बो सदस्य मन अपन तरफ ले दुकालू यादव ल स्मृति चिन्ह दे के आज (Raipur) के दिन ल यादगार बनाइन।