दंतेवाड़ा। जिला के वनांचल क्षेत्र म काली बिहनिया नक्सली मन के खेलाफ मिले बड़ सफलता ले जवान मन के मुख म खुसी के एक अलग ही झलक देखे बर मिलिस। जवान जंगल के झाड़ी मन, नदी—नाला अउ कतको बाधा मन ल पार करत हुए वापस बेस कैंप लउटिस। जवान मन बर सबले चुनउतीपूरन कारय आपरेसन के बाद सरचिंग अउ फेर सबो 8 सव मन ल कंधा म लाद के लाना रहिस हे। उहें बीते दिन म मोहला इलाका म सरचिंग के दउरान नक्सली मुठभेड़ म दू जवान शहीद होगे रहिन हे। जवान मन ह अपन साथी मन के सहादत के बदला ले लिस हे। ये कामयाबी के बाद जवान मन म खुसी के लहर हे।
चंद्रु ह प्लाटून नंबर 13 सेक्सन के कमांडर रहिस हे जेखर बर 5 लाख के इनाम घोसित रहिस हे, भीमे प्लाटून नंबर 13 के सदस्य रहिस हे जेखर बर 1 लाख के इनाम रहिस हे। सुगना प्लाटून सेक्शन कमांडर बर 5 लाख के इनाम घोसित रहिस हे। मंगली एरिया कमेटी के सप्लाई कमांडर के उपर 5 लाख के इनाम रहिस हे। जैनी सप्लाई कमांडर उपर 5 लाख के इनाम रहिस हे। कुमारी 13 नंबर सदस्य उपर 1 लाख के इनाम कहिस हे। सनकु जनमिलिशिया कमांडर उपर 1 लाख के इनाम रहिस हे। कुल 23 लाख के इनामी नक्सली मन ल मारे म मिलिस पुलिस अउ एसटीएफ के सफलता मिलिस हे।
