जय जोहार रायपुर…. नक्सली मुठभेड़ म घायल जवान के इलाज के दौरान मौत हो गिस। सीआरपीएफ कोबरा बटालियन के जवान अजीत कुमार सिंह के श्री नारायणा अस्पताल म इलाज चलत रहिस। ओखर छाती, पेट अऊ हड्डी म गहरी चोट आए रहिस। अस्पताल म भर्ती होए के समय ले ओखर स्थिति ह गंभीर रहिस हे, लेकिन आज अचानक तबियत बिगड़ गिस।
जानकारी के अनुसार रायपुर के श्री नारायणा अस्पताल म इलाज के दौरान जवान अजीत कुमार सिंह के मौत हो गिस। ऊहचे डिप्टी कमांडर प्रशांत, पी पवन कुमार अऊ गरीबर उरांव, बिभा बासु मेहता अऊ जवान पवार पांडुरंग के रायपुर के ही अस्पताल म इलाज चलत हे।
बता दन कि 10 फरवरी के पामेड़ इलाका म सर्चिंग म निकलिस कोबरा 204 बटालियन के जवान मन के नक्सली मन ले मुठभेड़ होए रहिस। एमा जवान मन ह एक नक्सली ल मार गिराए रहिस। ये मुठभेड़ म जवान विकास अऊ पुनानंद शहीद होए रहिस अऊ डिप्टी कमांडर समेत छह जवान घायल होए रहिस।
Other Articles
जुआ खेलत रहिस 15 जुआरी मन गिरफ्तार, डेढ़ लाख रूपिया नगद बरामद
No Comment! Be the first one.