सी एम हाउस आइस जयंती यादव , अरपा पैरी ल सबले पहिली दे रिहिस आवाज

दीपक बावनकर@रायपुर अरपा पैरी के धार ल राज गीत घोषित करे ले मुख्यमंत्री के आभार सबो कला जगत के लोगन मन करत हे , अब कला जगत के लोगन मन ल मुख्यमंत्री के पत्नी के आभार घलो मानना चाहि , काबर कि जतेक सम्मान से ओ ह जयंती यादव ल अपन घर बुलाईस अऊ बईठ के बातचीत करिस संगे संग आर्थिक तंगी ले जूझत जयंती ल मदद दिस

खासबात ये हे कि मुक्तेश्वरी बघेल ह जयन्ती ल लाय अऊ लेगे बर खुदे गाडी भिजवाय रिहिस , बता दन कि जयंती यादव ह अरपा पैरी के धार गीत ल आवाज दे वाली पहिली गायिका हे , जब मुख्यमंत्री के धर्मपत्नी ल ओखर आर्थिक तंगी के खबर लागिस त स्वयम मिले के इच्छा जताईस.