Jee main 2021 परीक्षा होगे स्थगित, जल्दी होही नवा तारीख के घोसना, पढ़व

जय जोहार…. (Jee main) कोरोना के बाढ़ते संक्रमण के बीच नेशनल टेस्टिंग एजेंसी ह जेईई मेन 2021 अप्रैल परीक्षा ल स्थगित कर दे हे। ए परीक्षा के 2 सेशन ल फरवरी अउ मार्च म आयोजित करे जा चुके हे। छात्र अउ अभिभावक मन के तरफ ले सरलग उठत मांग के सेती नेशनल टेस्टिंग एजेंसी ह 10 दिन पहिले परीक्षा ल स्थगित कर दे हे।

ए परीक्षा ह 27, 28 अउ 30 अप्रैल के होवइया रिहिन। (Jee main) परीक्षा के नवा तारीख के घोसना जल्दी करे जाही। ए जानकारी ल केंद्रीय शिक्षा मंत्री रमेश पोखरियाल निशंक ह ट्वीट कर दे हे। वो हा कहिन कि वर्तमान परिस्थिति ल देखत हे वो हा एनटीए ल परीक्षा ल स्थगित करे के सुझाव दे रिहिन।

शिक्षा मंत्री ह ये स्पष्ट करे हे कि परीक्षा के नवा तारीख परीक्षा ले 15 दिन पहिले जारी कर दे जाही। (Jee main) जेन छात्र मन ह अप्रैल सेशन के परीक्षा बर अपलाई करे हे, ओ हा अपन परीक्षा के नवा तारीख ल आधिकारिक वेब साइट म चेक कर सकही।