Jee main exam हो गे स्थगित, केंद्रीय शिक्षा मंत्री ह ट्वीट कर दे हे जानकारी, पढ़व
जय जोहार…. (Jee main exam) कोरोना के सेती जेईई (मेन) मई 2021 सेशन के परीक्षा ल स्थगित कर दे गे हे। ए जानकारी ल केंद्रीय शिक्षा मंत्री रमेश पोखरियाल ह ट्वीट कर दे हे। वो हा कहिन कि हालात अउ छात्र मन के सुरक्षा ल देखत हुये ये परीक्षा ल स्थगित करे जावत हे।
बता देन कि कोविड 19 के दूसरइया लहर के सेती शिक्षा मंत्रालय ह सबो संस्थान ले सोमवार के मई म निर्धारित सबो आफलाइन परीक्षा (Jee main exam) ल स्थगित करे के आग्रह करे रिहिन। एखर बर केंद्रीय वित्त पोसित संस्थान के सबो प्रमुख ल संबोधित एक पत्र लिखे गे हे।
उच्च शिक्षा सचिव अमित खरे ह संस्थान ले आग्रह करे हे कि ओ हा मई 2021 के महीना म होवइया सबो आफलाइन परीक्षा (Jee main exam) ल स्थगित कर दे। आनलाइन परीक्षा ह हालांकि जारी रह सकत हे। पत्र म ये घलो कहे गे हे कि निर्णय के समीक्षा जून के पहिले सप्ताह म करे जाही। ए आधार म परीक्षा म विचार करे जाही।
