रायपुर। राजधानी रायपुर म सोमवार के होय झमाझम बारिश के बाद मौसम बेहद खुशगवार होगे हे। रायपुर म गरज के बाद होय तेज बारिश के कारण तापमान म घलोक गिरावट दर्ज करे गिस हे। उहें शंकर नगर स्थित मंत्री मन के बंगला मन के तीर के पेड़ धाराशाही हो गिस।
राजधानी म सुबह ले ही आसमान म बादल छाए रिहिस हे। मझंनिया म आसमान म कारिया बादल मन ह डेरा जमा लिस अउ तेज गरज के संग बारिश होइस । उहें बारिश के दउरान चले तेज हवा मन ले सड़क मन के पेड़ टूटके गिर गे, जेखर ले लोग न मन ल आवागमन म थोड़े कठिनाई के सामना करे बर पड़िस हे। प्रत्यक्षदर्शी मन ह बताइन कि दो बाइक सवार गिरत पेड़ ले टकराय ले बचगे। उहें कोनो हताहत नइ होइन, लेकिन बड़े दुर्घटना हो सकत रिहिस हे। मंत्री बृजमोहन अग्रवाल के बंगला के तीर एक दीवार घलो गिर गिस।
एती कुछु इलाका मन म बिजली के तार घलोक टूटके गिर गे जेकर सेती ये क्षेत्र म बिजली गुल हो गिस । राजधानी म बीते कतको दिन बाद तापमान म लगातार कमी दर्ज करे गेहे, उहें गर्मी ले परेशान लोगन मन ल राहत के सांस लीस हे।