Raipur : झारखंड के मुख्यमंत्री हेमंत सोरेन ह करीन रईपुर म राष्ट्रीय आदिवासी नृत्य महोत्सव’ अउ ’राज्योत्सव 2021’ के सुभारंभ
जय जोहार…. (Raipur ) झारखंड के मुख्यमंत्री हेमंत सोरेन ह आज इहां छत्तीसगढ़ के राजधानी रईपुर के साइंस कॉलेज मैदान म ‘राष्ट्रीय आदिवासी नृत्य महोत्सव’ अउ ’राज्योत्सव 2021’ के दीप प्रज्जवलित कर सुभारंभ करीन। समारोह के अध्यक्षता ल छत्तीसगढ़ के मुख्यमंत्री भूपेश बघेल ह करीन।
रईपुर (Raipur ) के साइंस कॉलेज मैदान म 28 अक्टूबर ले एक नवंबर तक आयोजित होवइया ‘राष्ट्रीय आदिवासी नृत्य महोत्सव’ अउ ’राज्योत्सव 2021 समारोह म देस के 27 राज्य अउ 6 केन्द्रसासित प्रदेस के कलाकार मन के संग 7 देस नाइजीरिया, उजबेकिस्तान, श्रीलंका, यूगांडा, स्वाजीलैण्ड, मालदीप, पेलेस्टाइन अउ सीरिया ले आय विदेसी कलाकार ह अपन छटा बिखेरही।
