गरियाबंद। गरियाबंद म एक अइसन मामला सामने आए हे, जिहां 129 झन ह फर्जी प्रमान पत्र के दम म शिक्षाकर्मी के नौकरी करत रहीस। ये मन ल कोनो भी समय बरखास्त कर जा सकत हे, काबर कि उंखर खिलाफ कार्रवाई करे बर जिला पंचायत सीईओ ह जनपद पंचायत सीईओ ल निरदेश दिन हे।
दरअसल मैनपुर के जनपद पंचायत म कई साल पहिली फर्जी प्रमान पत्र के सहारा म शिक्षाकर्मी के नौकरी दे रिहिस एखर मन के भरती 2005 ले 2007 के बीच म करे गिन रिहिस. पात्र मन ल छोड़ के बड़े संख्या म अपात्र मन के नियुक्ति कर दे रिहिस. अभ्यार्थी के योग्यता नई होय ल खेलकूद, स्काउट गाइड, एनसीसी अउ अनुभव प्रमान पत्र जोड़ दे रहीस।
ये मामला उजागर होय के बाद जांच म ये पाए गिन कि नौकरी पाए बर दिव्यांग, खेलकूद अउ स्काउट गाइड के फर्जी प्रमान पत्र लगाए गे रिहिन। जिहां 356 शिक्षाकर्मी मन के प्रमान पत्र के जांच करे गिस त वोमा 129 शिक्षाकर्मी के प्रमाणन पत्र ह फर्जी मिले हे।
