सुकरीत कका बनीस जोहार पहुना.. चंपेश्वर गोस्वामी करिस सुघ्घर गोठ बात

जय जोहार वेब टीवी ह कई साल ले छालीवुड अउ छत्तीसगढ़ी संस्कृति के खबर मन ल प्रमुखता से दिखावात हे। जोहार टीवी के सेगमेंट जोहार पहुना म अभी तक सुपरस्टार अनुज शर्मा, प्रकाश अवस्थी, गरिमा स्वर्णा दिवाकर, ओजस्वी साहू के संगे संग बड़े-बड़े कलाकार मन गोठ बात करे हे। जेला दर्शक मन बड़ पसंद करे हे।

ए बार के जोहार पहुना म हमर पहुना बने हे फिलिम परदेसी के मया के सुकरीत कका यानी संजय बत्रा जी ह, संजय बत्रा जी आजकल मुंबई म काम करत थे वो ईहां एक ठन फिलिम के चर्चा बर पहुंचे रहीस। जोहार पहुना संजय बत्रा जी संग हमर संचालक चंपेश्वर गोस्वामी ह बड़ अकन विषय म सार्थक चर्चा करिन चर्चा के दौरान संजय बत्रा ह अपन लइकापन ले अभी तक के कहानी ल बने ढंग ले बताईस।

जय जोहार टीवी के दर्शक मन के मांग ला देखत हुए लगातार जोहार पहुना म नवा नवा पहुना मन हमर स्टूडियो म आंथे। गवैया होथे त गाना गाथे , नचैया होथे त नाचथे । आधा घंटा के चर्चा होथे । त अवैया अंक में देखव जोहार पहना म हमर पहुना सुकरीत कका सँजय बतरा संग गोठ बात।