सरकार ल सदन म घेरे बर विपक्षी दल मन के होइस संयुक्त बैठक, बनाइस साझा रणनीति
जय जोहार रायपुर…. सदन म सरकार ल घेरे बर विपक्ष ह संयुक्त रणनीति बनाइस। सोमवार के संयुक्त विधायक दल के बैठक होइस। एमा धान खरीदी के मुद्दा म सरकार ल घेरे के निर्णय ले गिस।
बैठक म बसपा विधायक केशव चंद्रा ह कहिन कि सबो विपक्ष ह एक संग औपचारिक बैठे रहिस। प्रदेश म सबले बड़े मुद्दा किसान मन के ऊपर जेन आपत्ति आए हे। किसान धान नई बेच पाए हे। ये सरकार ह समर्थन मूल्य म धान ले बर बंद कर दे हे। ये परिस्थिति म पूरा विपक्ष के ओर ले एक रणनीति हे। समर्थन मूल्य म धान खरीदी के स्थिति ल राज्य सरकार बढ़ाए अऊ पंजीकृत किसान मन के पूरा धान खरीदी के व्यवस्था करे जाए।
संयुक्त विपक्षी दल के बैठक म शामिल छत्तीसगढ़ जनता कांग्रेस के विधायक धर्मजीत सिंह ह कहिन कि छत्तीसगढ़ प्रदेश के किसान हलकान हे। इहां के सराकर ह किसान के एक-एक दाना लेके वादा करे रहिस, लेकिन धान खरीदी पूरा नई हो पाए हे। टोकन दे के बावजूद धान खरीदी पूरा नई हो पाइस न ही बारादाना उपलब्ध करा पाइस सरकार। जेखर चलत किसान सड़क म हे। सबो राजनीतिक दल एखर बर चिंतित हे।
