प्रदेस म कोनो वित्तीय संकट नइए, भाजपा अफवाह फइलाए म माहिर

सीएम भूपेश फेसबुक लाइव म बोलिस…

रायपुर. मुख्यमंत्री भूपेश बघेल ह छत्तीसगढ़ के वित्तीय स्थिति ले लेके कहिन के, राज्य के वित्तीय स्थिति बिल्कुल खराब नइए. बीजेपी केवल अफवाह फइलाय म माहिर हे. येखर सेती ले जे आरोप लगात हे. ये केवल मनगढ़ंत हवय. उमन कहिन के, बीजेपी के जतना भूतपूर्व नेता ये आरोप लगात हे के राज्य के वित्तीय स्थिति सही नइए. पूर्व के रमन सरकार ह जब सत्ता छोड़िस ओ बेरा म 50 हजार करोड़ के घाटा रिहिस हे. उमन कर्ज ले रिहिस हे. त 15 बछर म 50 हजार के घाटा करिस हे, येखर बर त जुम्मेदार बीजेपी हे.

सीएम भूपेश ह आघू कहिन के, मैं उमन स स्मरन दिलाना चाहत हव के 2003 म जब छत्तीसगढ़ म कांग्रेस ह सत्ता छोड़े रिहिस हे, ओ बेरा म वित्तीय 4 सौ करोड़ रुपए सलाना रिहिस हे. ये तरह के जे आरोप लगाय जात हे, ये केवल मनगढ़ंत हे. मुख्यमंत्री ये बात मन ल फेसबुक म लाइव के दउरान कोनो मनखे के पूछे गे सवाल के जवाब म कहिन हे.

बता देवन के, पूर्व मुख्यमंत्री रमन सिंह ह राज्य के वित्तीय प्रबंधन फेल होय के आरोप लगाय रिहिस हे. उमन कहिन के कर्ज लो अउ घी पियो, कुछु अइसने नीति म चलत हुए भूपेश सरकार ह पाछू के 2 महीना म छटवां बेर रिजर्व बैंक ले कर्ज लिस हे. भूपेश के अतना कर्ज के बोझ अंतत: जनता ल ही झेलना पड़ही. शासन के ये नीति न ही जनहित म हे अउ न ही राज्यहित म हे.