इनाम म मिलही बोकरा, मुरगी, मछरी अउ अंडा… कहां होही अईसन अनोखा आयोजन… जाने बर पढ़व ये खबर…..

गरियाबंद। छुरा ब्लॉक के दादरगांव म अनोखा कबड्‌डी प्रतियोगिता रखे गिन हे, जेमा विजेता दल ल इनाम म मिलही बोकरा, मुरगी, मछरी अउ अंडा। इनाम के कारन ही ये प्रतियोगिता ह इलाका म चर्चा के विषय हे। प्रतियोगिता के आयोजन 15 सितंबर के होही, जेमा भाग लेवईया टीम बर 151 रूपिया के प्रवेश शुल्क रखे गे हे।

प्रतियोगिता के आयोजक दादरगांव के केशव चंद्राकर  ह बतईन कि उंखर दादा स्व.पुरूषोत्तम चन्द्राकर ह कबड्‌डी के खिलाड़ी रिहिस, उंखर याद म गांव वाले के सहयोग ले वो हर साल ये प्रतियोगिता ल करवाथे। पहिली इनाम म नकद राशि देवत रेहेन फेर ये बार इनाम म बोकरा, मुरगी, मछली अउ अंडा रखे हन। प्रतियोगिता म रायपुर, दुर्ग, कवर्धा, बालोद अउ दीगर जिला के खिलाडी मन ह भाग लिही। जीतईया टीम ल पहिली इनाम बोकरा, दूसरैया इनाम 20 किलो मुरगी, तीसरैया इनाम 15 किलो मछरी अउ चौथईया इनाम 200 नग अंडा दे जाही।