१६ साल के उमर म पहिली गुजराती फिलिम ले करिस शुरुआत , फेर नई देखिस पाछू मुड के

जय जोहार रायपुर… जेन उम्र म नोनी मन स्कूल जाथे वो उम्र म गुजराती फिलिम इंडस्ट्रीज म कदम रखिस काजल राघवानी ह , काजल आज भोजपुरी सिनेमा के सबले व्यस्त अभिनेत्री आय , काजल ह १६ साल के उम्र म गुजराती फिलिम म काम करिस अऊ आघू बाढत गिस , आज ये आलम हे कि काजल के भोजपुरी फिलिम भोजपुरिया राजा के गीत ल २८०,१०४,४३६ लोगन मन देख चुके हे , काजल ह २५ गुजराती अऊ ६० भोजपुरी फिलिम म अपन अभिनय के डंका बजा चुके हे 

ओखर पहिली भोजपुरी फिलिम आय “रिहाई” ये फिलिम के बाद काजल ह एक ले बढ़ के एक फिलिम म काम करिस , खेसारी लाल ,दिनेश लाल ,चिंटू अऊ रवि किशन संग दर्जनों फिलिम म बतौर हिरोइन काम करे हे , काजल ह अपन अभिनय के संगे संग पढ़ाई लिखाई ल घलो जारी राखिस अऊ अपन अभिनय के दम म सर्वश्रेष्ठ अभिनेत्री के खिताब घलो ले चुके हे .