वरकिंग कमेटी के बइठक म पहली बार सामिल होइस दुर्ग के सांसद

रायपुर । कांग्रेस वरकिंग कमेटी के आज होवत बइठक म छत्तीसगढ़, मध्यप्रदेश अउ राजस्थान म होवइया विधानसभा चुनाइ मन उपर चरचा होवत हे। पहिली बार ये बइठक म कांग्रेस के बड़ दिग्गज नेता दिग्विजय सिंह, हरिप्रसाद, सीपी जोशी जइसे मन सामिल नइ होइस। उहें ये दफा छत्तीसगढ़ ले सांसद ताम्रध्वज साहू पहिली बार बइठक म सामिल होइस हे।
बइठक म प्रदेस कांग्रेस अध्यक्छ भूपेश बघेल अउ नेता प्रतिपक्छ टीएस सिंहदेव घलो सामिल होइन। बइठक म सामिल होय बर बघेल अउ सिंहदेव, सांसद साहू ह काली के दिल्ली रवाना होगे रहिन हे। बताय जात हे के कांग्रेस अध्यक्ष राहुल गांधी के अध्यकक्छता म पहली बार कांग्रेस कारयसमिति के बइठक होवत हे। येमा चुनाइ रननीति के संग संगठन के गतिविधि मन उपर चरचा होवत हे।
बताय जात हे के राहुल गांधी ये दफा विधानसभा के संगे-संग लोकसभा चुनाइ मन के तइयारी के टारगेट घलो राज्य मन दिस हे। इही टारगेट के संबंध म आज के बइठक म घलो चरचा होइस हे।