जय जोहार…. (Kanker District) कांकेर जिला म काली ले लॉकडाउन लगइया हे। कांकेर जिला म कोरोना के बाढ़ते संक्रमण ल धियान म रखत हुये कलेक्टर चंदन कुमार ह पूरा लॉकडाउन के ऐलान करे हे। संगेसंग पूरा क्षेत्र ल 19 अप्रैल के बिहनिया 6 बजे ले 26 अप्रैल के रात 12 बजे तक बर कन्टेनमेंट जोन घोसित करे हे। ए दौरान जिला के सबो सीमा सील रही।
ए दौरान फल, सब्जी, अंडा एवं ग्रासरी ल गली, मोहल्ला अउ कालोनी म ठेला वाला ल बिहनिया 8 बजे ले दोपहर 2 बजे तक बेचे के अनुमति होही। (Kanker District) दुग्ध पार्लर, दुग्ध वितरण अउ न्यूज पेपर हाकर मन ल समाचार पत्र के वितरण के बेरा बिहनिया 6 बजे ले 8 बजे तक अउ संझा 5 बजे ले 6.30 बजे तक होही। दुग्ध व्यवसाय बर कोनो दुकान अउ पार्लर नई खोले जाही।
(Kanker District) पैट शाप अउ एक्वेरियम ल सिरिफ पशु के चारा दे बर बिहनिया 6 बजे ले 8 बजे तक अउ संझा 5 बजे ले 6.30 बजे तक शाप खोले के अनुमति होही। एलपीजी गैस सिलेंडर के एजेंसी ह टेलीफोनिक या आनलान आर्डर लेही अउ ग्राहक मन ल सिलेंडर के घर पहुंच सेवा उपलब्ध कराही।
