chhattisgarh : बूस्टर डोज के टीकाकरण म कांकेर जिला ल मिले हे राज्य म पहला स्थान, 1 लाख 69 हजार ले जादा मनखे मन ल लगीन हे टीका

जय जोहार । (chhattisgarh ) कांकेर जिला म 100 फीसद टीकाकरण करे बर विसेस टीकाकरण अभियान चलाय जावत हे । जेखर तहत स्वास्थ्य विभाग के कर्मचारी ह हरेक गांव अउ खेत-खलिहान म पहुंचके सबो पात्र मनखे मन के टीकाकरण करत हे । सासन के निर्देस के अनुसार 18 बछर अउ ओखर ले ऊपर उमर वर्ग के सबो पात्र मनखे मन के जेमन ल कोरोना टीकाकरण के दूसरइया डोज के टीका लगे 6 माह या 26 सप्ताह पूरा हो गेहे, उनका 30 सितम्बर तक प्रिकॉसन डोज के मुफत टीकाकरण करे जात हे ।

(chhattisgarh ) जिला म पात्र हितग्राही मन के प्रिकॉसन डोज के टीकाकरण लक्ष्य के विरूद्ध 31 फीसद मनखे मन के टीकाकरण करे गेहे , जेन राज्य म सेबल जादा हे। स्वास्थ्य विभाग ले मिले जानकारी के अनुसार जिला म अब तक1 लाख 69 हजार 554 मनखे मन ल प्रिकॉसन डोज (बूस्टर डोज) के टीकाकरण करे गेहे।

अंतागढ़ विकासखण्ड म 28,885 मनखे मन के प्रिकॉसन डोज के टीकाकरण करे गेहे। (chhattisgarh ) उहें भानुप्रतापपुर विकासखण्ड म 23,820, चारामा विकासखण्ड म 20,590, दुर्गूकोंदल विकासखण्ड म 15,054, कांकेर विकासखण्ड म 23,958, कोयलीबेड़ा विकासखण्ड म 22,020 अउ नरहरपुर विकासखण्ड म 35,245 मनखे मन ल प्रिकॉसन डोज के टीका लगाय गेहे ।