कांकेर के जवान चीन बॉर्डर म होगे शहीद , देश समेत प्रदेश म चीन के खिलाफ गुस्सा

जय जोहार रायपुर… भारत चीन सीमा म होईस मुठभेड़ म लगभग २० भारतीय जवान शहीद होइन हे जेमा छत्तीसगढ़ के जवान गणेश कुंजाम घलो शहीद होय हे , चीन के ये हरकत के चौतरफा निंदा होवत हे , राजधानी रायपुर म दू दिन ले चीन के राष्ट्रपति शी जिनपिंग के पुतला ल बेइज्जत करे गिस , एन एस यू आई अऊ कांग्रेस ह चीन मुर्दाबाद अऊ मोदी कब तक चुप रहोगे के नारा लगाइस, कांकेर जिला के शहीद जवान गणेश कुंजाम के अंतिम संस्कार म सबो झन शामिल घलो होही,

मुठभेड़ म चीन के दर्जनों सैनिक मन घलो मारे गे हे , एती मुख्यमंत्री अऊ नगरीय प्रशासन मंत्री ह घलो घटना के प्रति दुःख व्यक्त करे हे अऊ शहीद जवान के शहादत ल नमन करे हे , छत्तीसगढ़ म चीन के आर्थिक रूप ले कमर तोड़े बर चीनी सामान मन के बहिष्कार करे के संकल्प घलो ले गे हे .