chhollywood: टिक टाक स्टार करन अऊ किरण के नवा गाना मया मया लागे जल्दी होही रिलीज , महासमुंद म होय हे शूटिंग

जय जोहार…. (chhollywood) रायगढ़ के टिक टाक स्टार करन अऊ किरण के नवा गाना मया मया लागे जल्दी रिलीज होही। ए गीत के शूटिंग ह महासमुंद के महानदी तट म करे गे हे। जेला राम यादव ह कोरियोग्राफ करे हे।

निर्देशक दीपक कुर्रे ह ए गीत के शूटिंग बर नदी के किनारे ल चुने हे, ताकि गीत ह कुछु अलग नजर आय। (chhollywood) गीत म छायांकन के कार्य ल दीपक बावनकर ह संभाले हे अऊ तामेश देव के संग सरोज कुर्रे, रितेश चौहान अऊ अनुराग ह तकनीकी सहयोग ल दे हे। ए गीत म मेकअप अंजु उरांव ह करे हे। गीत म स्वर शशी रंगीला अऊ सरला गंधर्व ह दे हे।

बता देन की एखर पूर्व ए दुनो के जोड़ी ल गीत तोर लायचा लहंगा ल यू ट्यूब म खूब पसन्द करे जावत हे। (chhollywood) एवीएम गाना म रिलीज होवइया ए गीत म घलो करन अऊ किरण के जोड़ी ह धमाल मचइया हे।