Chhollywood: छत्तीसगढ़ी एलबम घुमे आबे हो गे रिलीज, गीत ल लोगन मन ह करत हे पसंद

जय जोहार…. (Chhollywood) कुरुद नगर के उभरत युवा कलाकार श्याम शंकर चंद्राकर के नवा एलबम गीत घुबे आबे शुक्रवार के रिलीज हो गे हे। दया फिलिम्स के बेनर तले ए एलबम गीत ल छत्तसीगढ़ के मनमोहक वादी म फिल्माय गे हे। कलाकार श्याम शंकर चंद्राकर ह ए साल के आखिरी म एक नवा एलबम ह छत्तीसगढ़ के पारम्परिक करमा ददरिया ले सजे हे।

ए गीत म नवा उभरत कलाकार पिंकी साहू ह अपन अभिनय ले लोगन मन के दिल जीत ले हे। (Chhollywood) ए एलबम के निर्माता शिव्योम अऊ चंदन निषाद हे। गीत ल अपन मधुर स्वर दे हे लक्ष्मी कंचन अऊ राधे साहस ह। गीत के निर्देशक नितेश लहरी, सीनेमैटोग्राफर चंदन निषाद, चुम्मन निषाद, म्यूजिक सूरज महानंद, मैनेटमेंट पीयूष कुमार देवांगन अऊ मेकअप आर्टिस्ट संजय टंडन रिहिन।

(Chhollywood) फिलिम के मुख्य कलाकार श्याम शंकर चंद्राकर ह बताईस कि एलबम के मुख्य उद्देश्य ह नवा उभरत कलाकार मन ह मंच प्रदान करना हे। मे हा अपन पिछिले सबो एलबम म छत्तीसगढ़ ले परम्परा ल गीत म पिरोए के काम करे हंव, जेन ह आगू घलो जारी रही।