कैट ह केंद्रीय वित्त राज्यमंत्री ल बताइस जीएसटी म अऊ सुधार के गुंजाइश, बेहतर अमलीजामा पहनाए बर दिस सुझाव
जय जोहार रायपुर…. कैट के प्रतिनिधिमंडल ह केंद्रीय वित्त राज्यमंत्री अनुराग ठाकुर ले मुलाकात करिस। ए मऊका म प्रतिनिधिमंडल ह केंद्रीय मंत्री ल जीएसटी अऊ आयकर ले संबंधित सुझाव दिस। एमा जीएसटी म अभी बहुत ले सुधार के गुंजाइस बताए हे। एखर संगेसंग पहिली तीन वर्ष के ट्रांजिट अवधि म रखत हुए ए अवधि म हुई गलती के संशोधन करे बर अतिरिक्त समय प्रदान किए जाना के मांग करिस। कैट सीजी चैप्टर के सुझाव ल ध्यानपूर्वक सुनने के बाद केंद्रीय मंत्री ह सकारात्मक आश्वासन दिस।
प्रतिनिधिमंडल म कैट के राष्ट्रीय उपाध्यक्ष अमर पारवानी, प्रदेश कार्यकारी अध्यक्ष विक्रम सिंहदेव, प्रदेश कार्यकारी महामंत्री परमानंद जैन, प्रदेश कोषाध्यक्ष अजय अग्रवाल शामिल रहिस।
कैट के प्रदेश प्रवक्ता राजकुमार राठी ह बताइस कि प्रतिनिधिमंडल ह जीएसटी के क्रियान्वयन ल भारत के कर प्रणाली म एक बहुत बड़े परिवर्तन बतात हुए अनेक सुझाव दिस।
