Chhattisgarh: अटल जी के जयंती सप्ताह म आज होही कवि सम्मेलन अऊ सम्मान समारोह, प्रदेश भाजपा कार्यालय म होही आयोजन
जय जोहार…. (Chhattisgarh) भारतीय जनता पार्टी सांस्कृतिक प्रकोष्ठ के तत्वावधान म पूर्व प्रधानमंत्री स्व. अटल बिहारी वाजपेयी के जयंती सप्ताह म आज कवि सम्मेलन अऊ कवि सम्मान समारोह के आयोजन करे गे हे।
ये कार्यक्रम ह कुशाभाऊ ठाकरे स्मृति परिसर म प्रदेश भाजपा कार्यालय के सभागार म दोपहर 3 बजे ले सुरू होही। कवि सम्मेलन म पद्मश्री सुरेंद्र दुबे, रामानंद त्रिपाठी, सुश्री वर्षा गुप्ता, सुनील शर्मा’नील’ अऊ मयंक शर्मा ह अपन रचना के रसास्वादन कराही।
(Chhattisgarh) ए कार्यक्रम के मुख्य अतिथि भाजपा के राष्ट्रीय उपाध्यक्ष अऊ पूर्व मुख्यमंत्री डॉ रमन सिंह होही। कार्यक्रम के अध्यक्षता ल प्रदेश भाजपा अध्यक्ष विष्णुदेव साय ह करही। नेता प्रतिपक्ष धरमलाल कौशिक ह अति विशिष्ट अतिथि होही।
सांसद सुनील सोनी, प्रदेश (Chhattisgarh) संगठन महामंत्री पवन साय, पूर्व मंत्री अऊ विधायक बृजमोहन अग्रवाल, पूर्व मंत्री अऊ प्रदेश प्रवक्ता राजेश मूणत, रायपुर शहर ज़िला भाजपा अध्यक्ष श्रीचंद सुंदरानी विशिष्ट अतिथि होही।
