Chhattisgarh: किसान विरोधी कानून के खिलाफ किसान सभा दू माह लम्बा चलाही अभियान

जय जोहार…. अखिल भारतीय किसान संघर्ष समन्वय समिति के आह्वान पर छत्तीसगढ़ (chhattisgarh) किसान सभा ह कार्पोरेटपरस्त अऊ किसान विरोधी कानून के खिलाफ दू माह लम्बा अभियान चलाही।

ए अभियान के समापन 26-27 नवम्बर के दिल्ली म आयोजित एक विशाल रैली ले होही, जेमा छ्त्तीसगढ़ ले घलो हजारों किसान ह भाग लेही।

छत्तीसगढ़ (chhattisgarh) किसान सभा के अध्यक्ष संजय पराते अऊ महासचिव ऋषि गुप्ता ह बताइस कि ए अभियान के दौरान ग्रामीण जन मन ल ए किसान विरोधी कानून अऊ एखर दुष्परिणाम के बारे म समझाए जाही। उहचे ए कानून के खिलाफ प्रस्ताव पारित करे जाही।

वो हा बताइस कि पूरा देश अऊ छत्तीसगढ़ (chhattisgarh) म घलो 2 अक्टूबर ले ये अभियान ल सुरू करे जाही। ए अभियान के कड़ी म पूरा देश म 14 अक्टूबर के एमएसपी अधिकार दिवस मनाए जाही। ए दौरान केंद्र सरकार के ए झूठा प्रचार के भंडाफोड़ करे जाही।