जानव कतना पढ़े लिखे हे बीजेपी-कांग्रेस के ये प्रत्याशी

रायपुर. देश के पहिली प्रधानमंत्री जवाहरलाल नेहरू ह संविधान सभा म कहे हे के जे अनपढ़ लोग मन ह स्वतंत्रता संग्राम म अपन सब झोंक दिस.  सैक्षनिक योग्यता के अनिवार्यता लगाके उमन ल  चुनाव लड़े के अधिकार ले वंचित नई रखे जा सकय. इही वजह हे के आम चुनाव मन म प्रत्याशी मन बर सिक्षा के अनिवार्यता लागू नई करे गिस .

आज देश सत्रहवीं लोकसभा चुनाव के मुहाना म खड़े हे. राजनीतिक दल मन ह अपन अधिकांस प्रत्यासी मन के घोसना कर देहे.  बात अगर छत्तीसगढ़ के करन त इहां बीजेपी के 11 प्रत्याशी मन सबसे  ले अधिक कांकेर प्रत्याशी मोहन मंडावी, रायपुर के सुनील सोनी पोस्ट ग्रजुएट हे. त उहे बस्तर प्रत्याशी बैदूराम कश्यम सबले कम 12वीं पढ़े हे. उहे कांग्रेस 5 पोस्ट ग्रेजुएट और 3 ग्रेजुएट उम्मीदवार ल प्रत्याशी बनाय हे. एखर संगेच आठवीं पास भोलाराम अउ 12 वीं पास प्रतिमा चंद्राकर ल प्रत्याशी बनाय हे.

एक नजर बीजेपी-कांग्रेस प्रत्याशी मन के सिक्षा म…

बस्तर लोकसभा-

दीपक बैज (कांग्रेस)- एम.ए.

बैदूराम कश्यप (बीजेपी)- 12वी पास

कांकेर लोकसभा

बीरेश ठाकुर (कांग्रेस)- एम.ए.

मोहन मंडावी (बीजेपी)- एम.ए.

महासमुंद लोकसभा

धनेंद्र साहू (कांग्रेस)- हायर सेकेंडरी

चुन्नीलाल साहू (बीजेपी)- बी.एस.सी.

राजनांदगांव लोकसभा

भोलाराम साहू (कांग्रेस)- आठवीं

सतोष पाण्डेय (बीजेपी)- बीए-एलएलबी

दुर्ग लोकसभा

प्रतिमा चंद्राकर (कांग्रेस)- 12वीं.

विजय बघेल (बीजेपी)- बी.कॉम.

रायपुर लोकसभा

प्रमोद दुबे (कांग्रेस)- स्नातक

सुनील सोनी (बीजेपी)- एमकाम

बिलासपुर लोकसभा

अटल श्रीवास्तव (कांग्रेस)- बी.ई.

अरूण साव (बीजेपी)- एलएलबी,

कोरबा लोकसभा-

ज्योत्सना महंत (कांग्रेस)- एम.एस.सी.

ज्योतिनंद दुबे (बीजेपी)- हायर सेकंडरी

रायगढ़ लोकसभा

लालजीत सिंह राठिया (कांग्रेस)- स्नातकोत्तर

गोमती साय (बीजेपी)- बीए

जांजगीर-चाम्पा लोकसभा

रवि भारद्वाज (कांग्रेस)- स्नातक,

गुहाराम अजगले (बीजेपी)- इंजीनियरिंग, एलएलबी

सरगुजा लोकसभा

खेलसाय सिंह टेकाम (कांग्रेस)- स्नातकोत्तर (अर्थशास्त्र)

रेणुका सिंह (बीजेपी)- स्नातक

अब पूरा मामला म कांग्रेस ह भाजपा उपर ही सवाल उठात हे. कांग्रेस प्रवक्ता विकास तिवारी के कहिना हे के लोकसभा चुनाव म अगर पढ़ लिखे लोग चुने जाही त  अपन क्षेत्र, लोग, युवामन अउ आदिवासा मन के समस्या मन ल अउ अच्छा तरीका ले  रख पाही.  भाजपा म ये देखे गेहे के,  मंत्री स्मृती ईरानी अउ खुद पीएम नरेंद्र मोदी के सिक्षा म सवाल उठ चुके हे. सिक्षा ल छिपाना नई चाही.  सबके आघू बताना चाही. ताकि जनता फईसला कर सकय. त उहें बीजेपी प्रवक्ता केदारनाथ गुप्ता के कहिना हे के निश्चित तउर म सिक्षा एक बड़का सवाल हे. भाजपा  ह जे मन ला टिकट देय हे उमन पढ़े लिखे हे.