कोरोना मरीज मन के इलाज निजी अस्पताल म मुफ्त हो – विधायक शिवरतन शर्मा

जय जोहार रायपुर… प्रदेश म कोरोना मरीज मन के बाढत संख्या ल देख के अब सरकार ह ये फैसला ले हे कि पाजिटिव मन के इलाज निजी अस्पताल म घलो करे जाही काबर कि एम्स अऊ माना के अस्पताल मन म जगह के कमी देखे जात हे ,

लेकिन निजी अस्पताल के मनमानी काखरो ले छुपे नई हे तेला ले के विधायक शिवरतन शर्मा ह सरकार ले अपील करे हे कि निजी अस्पताल म कोविड के मरीज मन के इलाज निशुल्क करे जाय अऊ एमा ओमन ल घलो शामिल करे जाय जिन्खर राशन कार्ड नई बने हे.