कृषक प्रमोद सिंह के मेहनत अउ सपना ल सकार करत हे कृषक उन्नति योजना
अम्बिकापुर। मुख्यमंत्री विष्णु देव साय के सुशासन म प्रदेश के किसान मन ल 3100 प्रति क्विंटल के दर म धान के कीमत मिले ले उखर सपना ल पंख लग गे हे। अइसने ही एक किसान हे प्रमोद सिंह, जेन अपन लइका मन ल डॉक्टर अउ शिक्षक बनाए के सपना देखत हें अउ एला साकार करे बर कृषि कार्य म निरंतर मेहनत करत हें।
ग्राम पंचायत भफौली के रहइया प्रमोद सिंह परसा धान उपार्जन केन्द्र म हर साल करीब 140 क्विंटल धान बेचत हें। उखर बर ए केवल एकठन खेती के काम नइ, बल्कि अपन लइका के भविष्य ल संवारे के एक ज़रिया बन चुके हे। ओमन ह बतायिन कि पिछला बछर धान के अंतर राशि करीब 1 लाख 28 हजार रुपया मिले रहिन। जेखर ले लइका मन ल कोचिंग म मदद मिलिस।
प्रमोद सिंह बताथे कि उखर दु लइका हें, एक झन भिलाई म नीट के तैयारी करत हे अउ दूसर रायपुर म बीएड के तैयारी म जुटे हे। प्रमोद सिंह के सपना हे कि उखर दुनों लइका उच्च शिक्षा प्राप्त करके समाज म प्रतिष्ठित नागरिक बनय अउ प्रदेश के सेवा करत हे। उखर मानना हे कि अगर लइका मन ल अच्छा शिक्षा मिलथ हे, त वो अपन पैर म खड़े होके समाज के विकास म अपना योगदान दे सकत हे। कृषक उन्नति योजना के तहत धान के मिलइया अंतर राशि ले ओ सपना ल पूरा करे म मददगार बने हे।
सुशासन के सरकार म धान के उपज के उचित मूल्य मिले म उखर परिवार के आर्थिक स्थिति म बड़का सुधार लाए हे। मुख्यमंत्री ह जेन गारंटी किसान मन ले जेन वादा करे रहिन, वो पूरा करत हे। जेखर ले लइका के शिक्षा म कोनो कमी नइ आत हे। प्रमोद सिंह के कहना हे कि, मुख्यमंत्री विष्णु देव साय के नेतृत्व म किसान मन ल मिलत धान के कीमत ह हमन अपन लइका के सपन ल पूरा करे के एक मौका दिन हे। अब हमन अपन लइका मन ल बेहतर शिक्षा देय म कोनो कसर नइ छोड़त हे।“
सरकार के किसान-हितैषी योजना ह किसान मन ल बेहतर जीवन जीने के अवसर प्रदान करिन हे। प्रमोद सिंह के कहानी उखर मेहनत अउ दृढ़ संकल्प के मिसाल हे, उखर बर ए योजना सिर्फ अनाज उगाए के तरीका नई, बल्कि एक सशक्त भविष्य के दिशा बढ़त क़दम हे। प्रमोद सिंह ह कृषक उन्नति योजना के तहत धान के बढ़त दाम ल अपन खुशी जाहिर करत मुख्यमंत्री के आभार व्यक्त करिन हे।
